Сите знаат дека тоа што ќе го науми ДУИ, ќе го оствари, рече пратеникот Артан Груби во своето гостување во вестите на телевизја Сител, во контекст на најавата на партискиот лидер Али Ахмети, дека на следните избори Македонија ќе го добие првиот Албанец премиер.
– Двете најголеми македонски политички партии не беа воодушевени од предлогот затоа што знаат дека тоа што ДУИ го ветува или што го проектира, го реализира, а тоа значи дека ниту еден од кандидатите на тие партии нема да биде премиер, туку ќе биде личноста која ќе ја предложиме ние. Затоа видовме нервозни реакции од двете македонски партии. Знаат дека тоа што ќе го науми ДУИ, тоа го реалзиира, тоа што ќе го вети и ќе го направи и ќе го оствари, посочи Груби.
Тој смета дека државава ги надминала сите предрасуди и се покажало дека кога со институциите менаџира кој што ДУИ би го предложил или подржал, тие институции функционираат најдобро.
Груби истакна дека Зоран Заев не победи на изборите во 2016 година, но дека ДУИ му помогнала консензуално да седне во премиерската фотелја и токму поради оваа причина е убеден дека Македонија ќе има Албанец премиер.
Првиот претседател на Собрание Албанец во нашата држава ги немаше потребните 61 глас само од страна на ДУИ туку мораше консензуално да се донесе одлука за да поддржиме личност како господинот Џафери за претседател на Собранието. Исто така господинот Зоран Заев не ги победи изборите во 2016-та година туку имаше 49 пратеници и мораше да направи консензус со другите политички партии за да го добие мандатот за претседател на Владата. Затоа со консензуалната политика која што ја наметнавме при претседателските избори и при локалните последните избори сметаме дека таа консензуалност ќе надвладее и ќе успееме да имаме прв Албанец премиер, нагласи Груби.
