Вчерашната седница во Собранието беше резервирана за пратенички прашања. Пратениците од опозицијата го нападнаа премиерот Заев за слабата реализација на капиталните проекти и неисполнетите предизборни ветувања.
Пратеникот од редовите на ВМРО – ДПМНЕ, Влатко Ѓорчев постави 3 прашања до премиерот Заев притоа истакна дека со буџетот за 2018 година се нема заковано ниту една шајка во државата и дека не можат да се забележат реализирани проекти. Тој истакна дека фијаско особено доживеаа градоначалниците во Скопје, Битола, Прилеп, Охрид…
После неговите прашања следеа реакции од пратениците од СДСМ и министрите присутни во салата, па собранискиот спикер Талат Џафери ја смируваше ситуацијата. Во еден момент тој со насмевка му се обрати на министерот за транспорт и врски, Горан Сугарески.
