Во струмичкиот клуб „Аватар“ во Струмица, кој во јули беше затворен на еден месец поради организирање журки во екот на епидемија, втор ден по ред имало забава.
Според објави кои се споделуваат на социјалните мрежи евидентно е дека забавите во „Аватар“ продолжуваат.
На снимките од синоќешната журка може да се забележат голем број млади луѓе, без заштитни маски, за што се реагира и на социјалните мрежи поради потенцијалната опасност од коронавирусот.
Исто така се реагира и дека за неформалниот газда Радиша Рашо Бојовиќ, зетот на Зоран Заев, законите не важат.
Gepostet von Јован Кукузел am Samstag, 5. September 2020
Директорот на Државниот пазарен инспекторат, Стојко Пауновски потврди за медиумите дека „Аватар“ кон крајот на минатиот месец бил пререгистриран во кафе бар.
Инспектори на Пазарниот инспекторат извршиле контрола минатиот петок, но не констатирале неправилности.
