Директорот на Бирото за Јавна Безбедност, Лазо Велковски, за кој денеска беше најавено разрешување од страна на министерот Оливер Спасовски ја води полициската акција против претседателот на ГРОМ и ексградоначалник на Карпош, Стевчо Јакимовски, дознава Лидер од полициски извори.
Формално правно, затоа што сеуште не е разрешен од Владата и покрај тоа што министерот Спасовски изјави дека ќе побара негово разрешување, тој е одговорен за униформираната полиција која попладнево изврши упад во домот на Јакимовски како асистенција на финансиската полиција.
Претресот во куќата на Јакимовски се случува на истиот ден кога МВР по 5 дена истрага за скандалот најави смена токму на Велковски со службен џип си ја пратил ќерката во Грција како и скандалите во Министерството за Здравство на Венко Филипче, но и последниот вчерашен скандал со Зоран Шапуриќ и Радмила Шеќеринска кои преку невладина организација земале државни пари.
Неодамна Јакимовски во интервју изјави дека Заев е најопасниот политичар во Македонија од 1945 година.
Портпаролот на МВР не беше достапен да даде изјава за ,,Лидер”.
