Стојанче Ангелов ќе раководи со Центарот за управување со кризи.
Владата на денешната седнца донесе повеќе одлуки за именувања директори и в.д. директори во јавните претпријатија и институции.
Во рамките на ваквите активности прифатена е оставката на Агрон Буџаку од должноста директор на Центарот за управување со кризи. Воедно, за в.д. директор на Центарот, Владата го именува Стојанче Ангелов, кој за таа цел е разрешен од должноста национален координатор за воени и полициски ветерани.
Миле Сугарев e разрешен од должноста в.д. директор на Фонд за здравствено осигурување, а за нов в.д. директор да се именува Стево Крстевски, кој доаѓа од општинскиот комитет на СДСМ во Велес.
Според владиното соопштение, прифатена е оставката на Аднан Џафероски од должноста директор на Дирекцијата за заштита и спасување, а на негово место доаѓа Беким Максути, поранешен заменик министер за одбрана од ДУИ.
