Поранешниот директор на Фондот за здравствено осигурување, Сашо Стефаноски на својот фејсбук профил ја коментира актуелната ситуација во која се наоѓа Република Македонија и потенцира дека тестирањето само на пациенти со симптоми не ја отсликува реалната состојба со заразени граѓани од коронавирусот.
– Стивна аплаузот! Сега да согледаме еден факт: Од вкупно околу 280тина направени теста имаме 67 позитивни, од кои 19 во еден ден (17 од новозаразените се тестирани во приватна клиника). Тоа е висок процент на заразени и доказ дека се тестираат само пациенти со симптоми. Тоа е погрешно и не е одраз на вистинската ситуација, вели поранешниот директор на ФЗОМ Сашо Стефаноски.
-Препораките и на меѓународните здравствени организации се: тестирај, тестирај, тестирај! Владата и Филипче не го послушаа тој апел, едноставно не ја тестираат популацијата и така ја направија најголемата грешка! Последиците се веќе огромни! Одговорноста е нивна!, пишува Стефаноски на „Фејсбук“.
