Техничкиот премиер Оливер Спасовски за објавените „бомби“ за Антонио Милошоски за кои тврди дека се дел од материјалите предадени на СЈО, изјави дека се што имале СДСМ го предале на СЈО.
– Јас не ги слушнав и не знам за што се работи, само знам дека се објавени некакви материјали. Повикувам институциите да истражат, да видат кои материјали се, какви се, од каде се објавени и да преземат соодветни мерки. Нулта толеранција за оваа работа. Институциите треба да работат ефикасно и да ги откријат тие кои ова го прават, и врз основа на тоа да преземат соодветни санкции, изјави Спасовски.
