Примарно за сите политички партии треба да биде донесувањето на законите, а не одењето на изборите. Било каков политички интерес не може да биде приоритет, изјави денеска техничкиот премиер Оливер Спасовски.
Во врска со најновите искричења на релација СДСМ-ДУИ, тој изјави:
-Релациите со ДУИ се коректни, како што ја почнавме коалицијата со нив така и ќе ја завршиме, не очекувам да има дополнително неразбирливо одложување на носењето на законските решенија, ако дојде до тоа да се опструираат законите тогаш ќе му ја мислиме за нов коалициски партнер.
Спасовски оцени дека кога доаѓаат избори секогаш има тензии, кои, како што рече, се само собирање политички поени.
Во однос на распуштањето на Собранието Спасовски дециден:
-Лидерска средба ќе видиме дали и кога ќе се организира, а распуштање на Собрание нема без носење на законите.
Поврзани вести
Регионот масовно имунизира, македонските власти не откриваат кога ќе пристигне првата поголема пратка вакцини
Ковид-пациентите ги полнат болниците: Скопје и Прилеп водат по бројот на активни случаи
