Според документ објавен на социјалните мрежи кој има печат и потпис син на пратеничка на СДСМ со средно фармацевтско училиште е вработен како полициски инспектор, објавува expres.mk.
На објавата дека синот на пратеничката без соодветно образование, на 02.01.2020 е вработен во МВР, неколку часови пред Оливер Спасовски да замине од функцијата, дополнителната министерка за внатрешни работи Славјанка Петровска реагира дека е лажна вест.
Во истата реакција таа сепак не негира дека има индиции за непотизам и потврдува дека се работи за вработување на лицето Стојчев Ѓоргиев кој е син на пратеничка на СДСМ а кој според неа е вработен законски.
Дебатата за оваа информација се води на Твитер каде е објавен и документот од Агенцијата за вработување според кој лицето има само средно образование.
Стојче имал желба да биди цајкан, па на 36 години, тежејќи повеќе од дозволеното, со фармацевтско средно се вработил како Полициски инспектор без оглас, 12 саати пред избор на технички министер во МВР. @SlavjankaPetrov и учинила на пратеничката Милевка, им се можит. pic.twitter.com/le4cxosoUQ
— ?️псаана (@aps_aana) June 5, 2020
Откако Петровска реагира од неа граѓани бараат дообјаснување но не ги добиваат.
Едно од прашањата е зошто за синот на пратеничката пишува дека е прераспиреден од други работно место односно од кое работно место дошол да биде инспектор во МВР.
Со лажни вести не се стигнува далеку, се тоне во калта. Вработувањето е согласно закон, а објавувањето лични податоци не е. pic.twitter.com/QPPdOPWCMg
— Slavjanka Petrovska (@SlavjankaPetrov) June 5, 2020
Информацијата најпрво била објавена на Фејсбук каде во коментари се тврди дека синот имал факултет кој не е од областа на безбедноста туку педагогија, пишува expres.mk.
