Како што наближува изборниот ден и поразот на ВМРО-ДПМНЕ И Христијан Мицкоски, растат паниката и стравот кај ВМРО-ДПМНЕ, соопштија од СДСМ, откако на социјалните мрежи беше објавена бомба во која Зоран Заев објаснува како менаџира судски и обвинителски процеси.
„Денешните објавени аудио разговори само потврдуваат дека СДСМ и претседателот Зоран Заев постојано барале начини, решенија и правни механизми за целосна реформа на правосудството, со посочување на опасноста од недонесување на Законот за јавно обвинителство.
СДСМ, претседателот Заев постојано се бореа за обезбедување на двотретитинско мнозинство Собранието со што денес, предметите на Специјалното јавно обвинителство продолжуваат иако тоа веќе не постои.
Јасна е разликата. ВМРО-ДПМНЕ и Христијан Мицкоски се бореа за да паднат предмети, да падне предметот „Талир“, за да се сокрие нелегалното финансирање на ВМРО-ДПМНЕ, да падне предметот „Империја“ за да се спаси тајкунот на ВМРО-ДПМНЕ, Орце Камчев, за да се спасат други криминалци на чело со Груевски.
Јасно им е и нив на чело со Мицкоски дека криминалот нема да го одбранат, нема да се спасат од одговорност. По 15 јули реформите во правосудството градат силна правна држава во која никој нема да се спаси од одговорност“, соопштија од СДСМ.
