Обвинителката Вилма Рускоска се произнесе по пресудата за случајот „Рекет“. Таа рече дека очекувала поголема казна за првообвиниетиот Бојан Јовановски – Боки 13.
„Задоволна сум од пресудата, но не и од висината на казната, особено за Бојан Јовановски. Очекував најмалку 10 години“, рече Рускоска.
Бојан Јовановски како првообвинет во случајот „Рекет“ денеска беше осуден на 9 години затвор.
Судењето за предметот траеше шест месеци, а обвинението беше поднесено против три лица – Бојан Јовановски, Катица Јанева и Зоран Милески – Кичеец.
