Состојбата во Македонија по референдумот деновиве е топ тема во соседството. Откако грчките медиуми во текот на вчерашнот ден излегоа со своите коментари и видувања, денеска став за проблемот изнесе и поранешниот претседател на Бугарија, Георги Прванов, (2002-2012).
Во интервју за бугарската телевизија БНТ, Прванов оценува дека „туркањето“ на договорот во парламентот, откако референдумот не го достигна потребниот цензус, не би резултирало со помирување и постигнување национален консензус, туку би ги заострило спротивностите.
Прванов коментира дека иницијативата за промена на името на Македонија нема да доживее успех и оти Бугарија би требало да се постави како фактор за надминување на кризата и во договор со македонската страна да побара прием на Македонија во меѓународните организации под нејзиното уставно име.
