Во затворот во Шуто Оризари починал притвореик којшто бил позитивен на корона вирус.
Притвореникот, кој починал од срцев удар, немал симптоми на корона вирусот, но обдукцијата покажала дека тој е позитивен.
– Обдукцијата покажала дека притвореникот од затворот Шутка е позитивен на коронавирусот и сега се прават епидемиолошки анкети на сите оние кои биле во близок контакт со него – информира министерот за здравство, Венко Филипче.
Министерот потврди дека позитивен на Ковид-19 бил и штитеникот во Домот за стари лица во Битола.
– Што се однесува на штитеникот во Домот за стари лица во Битола, добивме потврда дека е позитивен на Ковид-19. Земени се примероци од сите вработени во Домот и сега се прават епидемиолошки анкети на сите лица кои биле во контакт со заразениот – изјави Филипче.
