Времето денеска ќе биде сончево со мала до умерена облачност и со слаб до умерен северен ветер.
Попладне ќе има појава на изолирана нестабилност со краткотраен пороен дожд и грмежи. УВ индексот ќе биде 8.
Утринската температура ќе се движи во интервал од 11 до 19 степени, а максималната дневна температура ќе достигне до 36 степени.
Од денеска следува период кога во претпладневните часови ќе преовладува сончево време, а во попладневните на повеќе места ќе биде нестабилно со пороен дожд и грмежи. Поинтензивни процеси се очекуваат за време на викендот.
