Портпаролката на Европската комисија, Маја Коцијанчиќ, за Пресинг ТВ порача да се ослободи јавната администрација од политички влијанија по последниот бран вработувања на најблиски од семејството, роднини, сопружници и сватови од страна на јавни функционери.
– Реформата во јавната администрација е особено важна. Во извештајот за напредокот во 2018 година истакнавме дека иако е направен добар прогрес, сепак е неопходна силна политичка посветеност која ќе гарантира професионализација на јавната адинистрација и особено почитување на принципите на транспарентност и еднаквост. – вели за Пресинг ТВ портпаролката на Европската Комисија Маја Коцијанчиќ.
Во моментов Антокорупциската комисија по вчерашната седница разгледува можни злоупотреби на 20-тина вработувања на имиња блиски на пратеници, министри и градоначалници во администрацијата и претрпријатијата во државна сопственост.
Поврзани вести
Регионот масовно имунизира, македонските власти не откриваат кога ќе пристигне првата поголема пратка вакцини
Ковид-пациентите ги полнат болниците: Скопје и Прилеп водат по бројот на активни случаи
