Американскиот државен секретар Мајк Помпео уште еднаш и честита на Македонија како 30. членка на НАТО.
На средба со новинарите Помпео изјави дека со влезот на нашата земја во НАТО, Алијансата „колосално“ се засилила.
– Ова е уште еден доказ за земјите што знаат дека сојузништвото со слободните нации на Западот е најдобар начин да се постигне безбедност, стабилност и просперитет за својата нација – истакна Помпео.
Прес-конференцијата на Помпео беше целосно посветена на опасноста од ширењето на корона вирусот во САД и напорите што ги прави Стејт департментот за репатријација на Американците од загрозените подрачја насекаде низ светот.
