Несекојдневна појава во македонските коцкарници. Како никогаш досега, џекпотите завршуваат во џебовите на полицајците. Почитувани читатели, свесни сме дека во последнава година се изнагледавте и се изнаслушавте, а и на свој грб почувствувавте каков башибозлук ја запоседнал полицијата, но ова досега сигурно не сте го виделе.
Полицаец и полицајка седнати во коцкарница на автомати и играат за џекпот. Невидено, но за жал, во Македонија, далеку од ненормално.
Кога може полицијата да биде такси-служба за децата на вработените во МВР, кога може да апси веќеуапсени терористи, да паркира непрописно само затоа што е полиција, зошто да не можат полицајци во работно време да свртат една на автомат.
Оваа тажна слика е уште еден доказ дека со МВР владеат структури кои се неспосбни да воведат ред и полицијата да го добие соодветното место во општеството. Наместо да поттикнат на ред и да бидат пример, полицајци седнати на автомати оставаат впечаток дека во оваа земја секој може да прави што сака, да ја погазува службата, а над се државата.
Нема почит македонската полиција, а ако рибата смрди од главата, вината е само нивна – Оливер Спасовски и Зоран Заев.
