Претседателот Пендаровски смета дека нефункционалната администрација, високата корупција и неефикасносто судство не се само пречка на патот кон ЕУ, туку и пречка за нормален живот на граѓаните.
Нашите граѓани со право се разочарани кога гледаат дека обвинителството кое беше симбол на сите наши надежи за расчистување со организираниот криминал се распадна како последица на тоа што и самото стана дел од организираниот криминал. Секоја злоупотреба на функцијата и јавните финансии, секој наместен тендер, секое влечење на судските постапки со години, секое малтретирање на граѓаните во административните коридори се причина повеќе за одлуката за заминување од државата на многу млади луѓе, порача шефот на државата.
