Николоски: Две години сo Заев, Македонија уште повеќе е загушена во криминал и корупција

Потпретседателот на ВМРО-ДПМНЕ, Александар Николоски, на Фејсбук го коментира извештајот на Транпаренси интернешнл во врска со индексот за перцепција за корумпираност на државата.

Пред две години во колумната „Менуваат име за да крадат – потврдено“ го коментирав тогашниот извештај на Транспаренси каде што Македонија беше на 93-то место. Две години подоцна Македонија уште повеќе е потоната во корупција и оваа година според Транспаренси интернешнл државата е на срамното 111 место. Две години потоа со Зоран Заев Македонија уште повеќе е загушена во криминал и корупција“, пишува Николоски.

Тој вели дека во овие две години се случија огромни корупциски скандали, а според него, работите одат само на полошо.

„Откако коалицијата на лагата СДСМ – ДУИ е на власт државата бележи само неуспеси, криминалот и корупцијата царуваат, нема никаков напредок на ниту едно поле, граѓаните се разочарани и немаат доверба во институциите. Срамниот извештај на најреномираната светска институција за мерење на перцепцијата на корупција го потврдува тоа што пред две години го напишав во колумната“, посочува Николоски.