Откако лидерите на Европската Унија вчера не успеаја да донесат одлука во однос на отворањето на пристапни преговори со Македонија и Албанија, бидејќи Франција, Холандија и Данска сметаат дека двете земји не се спремни, се очекува денес да биде дефинитивно познато дали Германија и другите поддржувачи на преговорите ќе се изборат за макар некаков компромис со трите скептични држави, пишува Фокус.
Нема заклучоци денеска , изјави доцна синоќа финскиот премиер Анти Рине, при излегувањето од зградата на Советот на Европската унија, додавајќи дека се надева оти е можно денеска да се постигне договор.
Сепак, холандскиот премиер Марк Руте за новинарите рекол дека дискусијата за проширувањето се оставени за следниот Европски совет.
Сите признавме дека и во Северна Македонија како и во Албанија, завршена е огромна работа, рече тој, но воедно додаде дека има уште работа да се направи во обете држави.
Поврзани вести
Регионот масовно имунизира, македонските власти не откриваат кога ќе пристигне првата поголема пратка вакцини
Ковид-пациентите ги полнат болниците: Скопје и Прилеп водат по бројот на активни случаи
