Министерството за внатрешни работи најави дека ќе набавува заштитна опрема за справување со корона вирусот.
Информираат дека согласно актуелната здравствена и безбедносна ситуација, како и непредвидливоста на идните настани, ќе има повремени потреби од итни набавки на маски, ракавици, наочари, средства за дезинфекција.
– Заштитните средства ќе биде потребно да се набавуваат со постапка со преговарање без објавување на оглас од причини на крајна итност, согласно член 55 став 5 од ЗЈН, доколку директно се загрозени безбедноста, животот и здравјето на луѓето, велат од МВР.
Ги повикуваат сите економски оператори кои имаат можност да понудат некои од заштитните средства потребно е да достават е-маил на [email protected] како би биле внесени во листата на оператори до кои ќе се доставуваат покани, додаваат од министерството.
