Сериозна држава работи на сценарија, прво е најпосакуваното дека ќе има меѓувладина конференција или датум за старт на прегпвори со ЕУ , но што доколку нема датум за преговори, дали се размислува на алтернатива, кој е нашиот национален концепт. Следува претседателство на Португалија, на Словенија дали ќе се доволно моќни да истуркаат нешто вакво како ова меѓу Македонија и Бугарија, рече Тимчо Муцунски, пратеник од ВМРО-ДПМНЕ на гостувањето во емисијата Топ тема што се емитува на телевизија Телма.
-На пример прашањето за македонско малцинство кое е признаено и се има обврски од пресуди на Европскиот суд на човекови права. И сега кои сме ние да дерогираме право на луѓе кои се чувстуваат како Македонци, кои сме ние да дерогираме пресуди на овој Суд. Затоа мислам дека овој сет на вредности што го наметнува Бугарија е крајно апсурден. Ние сакаме да соработуваме на сите полиња, но овој начин на однесување од Бугарија е сосема неприфатлив, рече Муцунски.
Пратеникот укажа на единството и консензуот кое го има во Бугарија, а за кое рече како да изостанува во Македонија.
– Без разлика дали пораките се од Захариева или Каракачанов по однос на ова прашање има консензус и концепт во Бугарија. Наша работа е да го видиме нашиот консензус дома. Јас не верував дека влада ќе го промени името, но еве се случи тоа спротивно на волјата на граѓаните во државава. Ова е влада која по дваесет и неколку години направи чекор кој не го направила ниту една една друга влада во однос на промена на уставното име. Затоа ние свикавме седница на Комисијата за надворешна политика и ги повикавме минситерт за надворешни и вицеппремиерот за европски односи првиот обид неуспешен, еве има втор обид во четврток, рече Муцунски.
Пратеникот рече дека сака да верувам дека имаме заедничка цел затоа што се работи за заштита на основното достоинство. Тој укажа како беше на стартот на преговорите.
–Имаше обид да се наметне дека спорот е за сведен на прашањето за Гоце Делечев и сега гледаме дека спорот е посеопфатен. Неприфатливо е бугарското негирање на моето сфаќање на историјата. Се покажа дека сржта на проблеот е идентитетски, но откажувањето од идентитетот не смее никој да го направи, кажа Муцунски.
Тој вели дека посакува решение во рамки на европскиот сет на европски вредности, а не да се наметнува дека ние сме нација создадена по 1945 година.
