Пратеникот на ВМРО-ДПМНЕ Тимчо Муцунски, во денешното гостување во „Утро со Златев“, зборуваше за амтерското работење во нашето општество поради кое и Македонија се наоѓа на дното во Европа во областа на вакцинација.
-Во областа на вакцинацаијата ние сме на Европско дно, паралелно сме исто така први меѓу последните кога се работи за смртност и заболување од Ковид-19. Имаме тотална дисфункционалност во борбата против пандемијата, вели тој.
Тој вели дека Македонија има влада којашто не може да обезбеди вакцини ниту за своите здравтсвени работници.
-За мене ова е аматеризам не само во делот на здравтсвената власт, туку и во областа на надворешната политика. Има институции коишто имаат обврска да ја користат нашата дипломатска мрежа, да обезбедат што е можно повеќе вакцини, но за жал тие не постигнуваат во решавањето на тие проблеми, додаде Муцунски.
Исто така тој посочи дека никој не е радосен пради недостатокот на вакцини, бидејќи секоја вакцина е потребна и секоја вакцина спасува живот.
