Во интервју за дневникот на телевизија „Сител“, претседателот на ВМРО-ДПМНЕ, Христијан Мицкоски, порача дека во со програмата „Обнова на Македонија“ ветуваат дека ќе го исполнат тоа што го разговарале за време на средбите со граѓаните.
Ние нудиме 1000 решенија за 1000 проблеми, а јас би сакал и 10.000 да понудиме. Но, ние како што јас тоа го зборувам на настаните на средбите со граѓани, ветуваме она кое што цениме дека ќе го испорачаме. Затоа што граѓаните се уморни од неисполнети ветувања и нереализирани очекувања. Затоа тоа што го нудиме таму имаме намера сериозно да го испорачаме бидејќи имаме јасна дефинирана методологија – порача Мицкоски.
Мицкоски додаде дека главно би истакнал три дела, односно три столба од програмата,
Првиот столб се разбира е економски развој на државата. Втор столб е право и правна држава, а третиот столб од програмата е интензивна, брза, робусна интеграција во ЕУ. Ние чуда не ветуваме, чуда се невозможни, а ние не сме волшебници. И практично сето тоа што таму е содржано во овие 360 страни, ние имаме намера да го испорачаме. И ќе го испорачаме. И слободно затоа велиме се обврзуваме – истакна Мицкоски.
