Македонската академија на науките и уметностите (МАНУ) денес избра ново раководство со мандат од четири години, почнувајќи од 1 јануари 2020 година.
За нов претседател на МАНУ е избран академик Љупчо Коцарев, професор на ФИНКИ, а за потпретседатели академиците Живко Попов и Газанфер Бајрам. Научен секретар на Академијата ќе биде Изет Зекири.
Исто така, на денешното Изборно собрание за членови на Претседателството на МАНУ се избрани:
акад. Катица Ќулавкова, секретар на Одделението за лингвистика и литературна наука;
акад. Абдулменав Беџети, секретар на Одделението за општествени науки;
акад. Владимир Серафимовски, секретар на Одделението за медицински науки;
акад. Леонид Грчев, секретар на Одделението за технички науки;
акад. Глигор Јовановски, секретар на Одделението за природно-математички и биотехнички науки;
акад. Радован Павловски, секретар на Одделението за уметност; и
акад. Момир Поленаковиќ, избран член на Претседателството на МАНУ.
