Македонија се соочува со бран на вирусот посилен од првиот. Во изминатото деноноќие регистирани се нови 135 случаи на заразени со Ковид-19 како и шест починати лица.
Со овие нови случаи, вкупната бројка на ковид дијагностицирани во Македонија од почетокот на епидемијата се искачи на 5.595, бројката на починати е 265, а во моментов бројот на активни случаи во земјата изнесува 3.164.
Советникот на регионалниот директор за Европа на СЗО, д-р Фабио Скано вчера изрази загриженост од она што се случува во земјава, но смета дека ситуацијата може да се стави под контрола со масовно тестирање, идентификување на случаите, нивните контакти и нивно изолирање.
Ова што го гледаме во моментов во Македонија е загрижувачко. Поуката што треба да ја извлечеме е дека до пронаоѓањето на делотворна вакцина, не смееме да се опуштиме, односно да го спуштиме градот. Дејствата што ќе се преземат овие денови, но и во неделите и месеците кои претстојат ќе бидат критично важни со цел да се спречат случаите на новозаразени и да се спасат човечки животи – истакна Скано на прес-конференција во Владата.
