Веста објавена од „Пресцентар.мк“ во која се наведува дека лидерот на ВМРО-ДПМНЕ Христијан Мицкоски во стан во Будимпешта добил милион и шестотини илјади евра и строги инструкции од руски дипломати потекнува од портал под директна контрола на СДСМ, објавува „ПресингТВ“.
Како што пишува „ПресингТВ“, се обиделе да стапат во контакт со лицето Милица Нонковска, која на импресумот на „Пресцентар.мк“ е потпишана како главен и одговорен уредник, но на наведениот телефон за контакт се јавило машко лице, кое кажало дека е погрешен број.
Сепак, по неколку минути се јавило истото лице и објаснило дека текстот е целосно преземен од revolucioner.press.
Во импресумот на revolucioner.press како Главен и одговорен уредник се појавува Виктор Азманоски од Општинската организација на СДСМ во Прилеп.
Адресата на оваа интернет страница е Антон Панов 1/1-16 во Прилеп.
Пресцентар и Ревоуцинер.пресс пред неколку денови објавија вест дека Мицкоски во Будимпешта добил милион и шестотини илјади евра од дипломати за да ја блокира Македонија на евроинтеграцискиот пат.
Потпретседателот на СДСМ, Коста Петров вчера негираше дека партијата на било кој начин е поврзана со објавата за Мицкоски.
– СДСМ се залага за објективно и транспарентно информирање. Како партија сметаме дека сите ние со заедничка работа може да придонесеме во борбата против лажните вести. СДСМ не шири лажни вести и комуницира одговорно и сметам дека нема никаква основа партијата да се поврзува со оваа тема на кој било начин, стои во одговорот на потпретседателот на партијата Коста Петров, во името на СДСМ испратен за Република.