Обвинетата екс-главна обвинителка на СЈО, Катица Јанева која е во домашен притвор и ја чека пресудата за случајот Рекет, денеска со полициска придружба била спроведена во родниот град Гевгелија на погреб на нејзиниот татко Костадин Делиџаков, долгогодишен судија и претседател на судот во Гевгелија до неговото пензионирање.
Минатата година кога беше во притвор, на Јанева и почина мајката и обвинителката се согласи да и биде овозможено да присуствува на погребот.
Денеска Јанева добила согласност да биде спроведена и на погребот на нејзиниот татко.
Пресудата за Рекет најавена е за четврток, 18-ти овој месец.
