Министерот за одбрана на Бугарија, Красимир Каракачанов се обиде да ја дообјасни својата претходна изјава дека ќе испрати инженерски полк за да отстранува споменици во Македонија.
Каракачанов сега тврди дека македонските медиуми лошо ја протолкувале неговата порака.
Како што вели бугарскиот министер, тој не сакал да испрати закана, туку понудил помош за земјата со која Бугарија се сојузници во НАТО.
-По повод доста превртеното толкување на македонските медиуми, нека објаснат дека тоа што реков е: Ако има потреба можам да испратам инженериски полк да им помогне побрзо да ги тргне тие споменици на кои пишува за „бугарскиот окупатор“. Се надевам ќе бидат пречекани како бугарските полкови во 1912,1918 и 1941 година – со цвеќе, леб, сол и духовна музика – порачува бугарскиот вицепремиер.
Поврзани вести
Регионот масовно имунизира, македонските власти не откриваат кога ќе пристигне првата поголема пратка вакцини
Ковид-пациентите ги полнат болниците: Скопје и Прилеп водат по бројот на активни случаи
