Нека одговори Заев или нека покаже каде прочитал дека СЗО вели дека новиот бран на корона ќе биде август или септември? За две недели 335 заболени, пред две недели активни случаи 373, денес 447 или околу 20% повеќе. И велат ситуацијата е под контрола?!, напиша генералниот секретар на ВМРО-ДПМНЕ, Игор Јанушев на „Фејсбук“.
„Едно е што мисли власта, а друго е што говорат бројките. Ние немаме успешно справување со кризата кога сме рекордери во регионот по починати лица на милион жители.
Додека Заев упорно нѐ убедува како изборите во јуни ќе бидат безбедни, без притоа да одговори како ќе успеат да гласаат граѓаните на своите избирачки места, Венко повикува народот да не ги прекршува мерките бидејќи здравствените работници не можат сами“, додава Јанушев.
Според него, како што вели, Венко барем еднаш е во право, здравствените работници не можат сами, затоа што владата не го сфати сериозно ризикот, додека целиот свет апелираше, а Венко не обезбеди навремено опрема за заштита на истите. Но, затоа Венко обезбеди две лиценци за одгледување марихуана на фирми во кои менаџмент и сопственици се синот на осуденикот за шверц и другар на Заеви при прогласена вонредна состојба во Република Македонија.
За Заев и СДСМ воопшто не е приоритет здравјето на граѓаните, туку приоритет се фотељите и сопствената кожа, заврши Јанушев.
Поврзани вести
(ВИДЕО) Јанушев: Заев не набавува фингерпринт терминали затоа што сака да прави изборен фалсификат
Јанушев: Поради криминалот на Заев и Филипче, Македонија нема вакцини
