Животот и понатаму доаѓа за блиските роднини на високите функционери на власта. Магдалена Несторовска, државен секретар во Министерството за внатрешни работи и висок партиски функционер на владејачката СДСМ си го вработила нејзиниот сопруг Љубислав Несторовски во ЕЛЕМ, дознава Лидер од извори во оваа државна Компанија.
Нашиот извор вели дека Несторовски на новото работно место дошол во пакет со синот на архитектот Мирослав Грчев и ќерката на претседателот на Собранието Талат Џафери.
За нашиот извор е скандалозно и тоа што Љубислав Несторовски има 63 години и е на една година пред пензија.
Сопругата на Несторовски практично ја има највисоката администра функција во МВР, државен секретар, па оттаму се поставува прашањето дали и во овој случај се работи за непотизам.
Инаку, претходно Лидер откри а посочените потврдија дека Претседателот на Собранието на Република Македонија Талат Џафери и Мирослав Грчев си ги вработиле своите деца во ЕЛЕМ – дознава Лидер од извори во оваа државна компанија.
Како што дознаваме, Бесија Џафери, ќерка на претседателот на Собранието Талат Џафери во АД ЕЛЕМ е вработена како референт за правни работи од петти месецов.
Од истиот датум, како инженер за животна средина, вработен е и Димитар Грчев, кој е син на архитектот Мирослав Грчев кој во исто време е советник во Министерството за култура и голем промотор и подржувач на политиките на власта.
Децата на функционерите се вработени со договор за привремено вработување, што ни беше потврдено и од анонимни извори од Агенцијата за вработување.
