Македонија 29. мај 2020. / 08:30

Грчки и американски воени авиони ќе имаат демонстративен прелет над Македонија

Грчки и американски воени авиони ќе имаат демонстративен прелет над Македонија

Со прелет над Скопје, два американски и два грчки воени авиони ќе го поздрават членството на Република Македонија во НАТО.

Како што информираа од Министерството за одбрана, прелетот ќе се реализира околу 11.20 часот. Прелетувањето ќе биде во чест на нашето членство во НАТО. Авионите ќе летаат долж реката Вардар, а ќе дојдат од правец на скопскиот аеродром.

Американските авиони полета вчера од американската сојузна држава Јужна Дакота и имаат 30 часовен непрекинат лет со полнење гориво во воздух. Доколку временските услови го озвозможат тоа, заинтересираните граѓани ќе можат да го набљудуваат прелетот на американските авиони и авионите придружници од грчката воена авијација над Скопје. Авионите над нашата земја ќе летаат на височина од 1.500 метри и нивниот прелет ќе биде проследен со силен звук.