Поранешниот претседател на Македонија, Ѓорѓе Иванов, денеска треба да сведочи во Основниот кривичен суд Скопје за настаните во Собранието на 27 април 2017.
Поранешниот шеф на државата е меѓу предложените сведоци на одбраната на обвинетите за организирање на крвавиот настан.
Името на Иванов за денеска е покрај она на Игор Атанасовски, Зоран Коњановски, Ристо Донев, Игор Бошковски.
Во овој предмет обвинети се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски за кривично дело „терористичко загрозување на уставниот поредок и безбедноста“.
Овој случај се наоѓа во доказна постапка и го води судијата Илија Трпков, а застапник на обвинението е Вилма Русковска.
