Лидерот на ДУИ Али Ахмети на Фејсбук, во униформа на УЧК го честита формирањето на кососвката војска. На јавноста и е познато дека Ахмети беше активен учесник во косовската ОВК во војната во 1999 година, од каде му беше понудена и пензија, за во 2001 година како врховен командант застане на чело на паравоената ОНА.
– Многу жртвувања, многу соништа, многу напори, многу мачеништво низ вековите за да дојдеме до овој ден на слободата, независноста, војската, еднаквоста и перспективите.
Косовската војска е уште еден темел на мирот и стабилноста на целиот регион со евроатланска перспектива што од денес, не само Косово, туку и цела Југоисточна Европа, добива уште еден сојузник во напорите за изградба на демократските западни капацитети во нашите држави, достојни за интеграција во НАТО и Европската унија. – меѓу другото напиша Ахмети во честитката.
