Барањата на приватните специјализанти се уште не се исполнети дури и по месец и половина од нивната средба со министерот за здравство Венко Филипче, потсети Марија Пејовска од ВМРО-ДПМНЕ. Таа прашува дали министерот свесно ги фрла во оган младите доктори во Македонија и со тоа го загрозува дополнително и онака кревкиот здравствен систем?
Барањата на специјализантите вклучуваат најпрво да се платат 24 часовни дежурства, а потоа и здравствено осигурување за сите приватни специјализанти, како здравствено, така и пензиско осигурување, субвенции за домување на специјализанти, како и израмнување на коефициентот специјалисти/супспецијалисти во интернистичките и хируршки гранки. Овие барања беа доставени до министерот на 29 септември 2020 година и нивното исполнување било ветено од страна на министерот рече таа.
Пејовска ги повтори барањата на младите специјализанти:
1.Покачување на платата на младите доктори и специјализанти во сите установи во кои се ангажирани за 100%.
2.Пензиско и здравствено осигурување за СИТЕ приватни специјализанти, бидејќи најголем дел од нив немаат никакво здравствено осигурување, а се ангажирани во КОВИД центрите.
3.Соодветно домување за сите кои немаат каде да престојуваат, а се распоредени во КОВИД центри надвор од нивното место на живеење.
