Професорката Елка Јачева – Улчар од Институтот за македонски јазик во изјава за Радио Лидер тврди дека во Софија веќе е договорено да се прифати: сите службени документи кој ќе се пишуваат во иднина да се потпишуваат на „службен јазик на Република Северна Македонија“, а не на македонски јазик.
Таа потсети дека во Македонија веќе од пред 3 години има два службени јазици.
-Ова е последниот удар кој ѝ се задава на Македонија. Прво се смени името, а сега ќе ни се обезимени и јазикот. Моите последни информации од пред половина час се дека во Софија е веќе договорено, да се прифати сите службени документи кои ќе се потпишуваат во иднина „да се потпишуваат на службен јазик на Република Северна Македонија“, вели Елка Јачева – Улчар.
Таа потсетува дека јазикот е тој што треба да ги обединува сите Македонци.
-Ова треба да борба на целиот праводољубив и вистинољубив народ. Македонскиот народ не е не на ниедна партија, македонскиот народ е на македонски, а ова практично претставува директен атак на основното национално ткиво, додава професорката.
Таа истакна дека не е член на ниедна партија, и дека не членува во ВМРО-ДПМНЕ. Лично ги повика лидерите на сите опозициски партии во Македонија, па дури и партиските членови на СДСМ кои не се согласуваат со политиката на Заев да излезат сите на улица.
Поврзани вести
Регионот масовно имунизира, македонските власти не откриваат кога ќе пристигне првата поголема пратка вакцини
Ковид-пациентите ги полнат болниците: Скопје и Прилеп водат по бројот на активни случаи
