АД ЕЛЕМ се огласи по обвинувањата дека вториот блок не работи.
Oд ЕЛЕМ реагираат дека станувало збор за превентивен зафат на една од циркулационите пумпи во Блок 2 кој се изведувал во текот на викендот кога потребите за електрична енергија се намалени.
Во моментов, капитални ремонтни активности се изведуваат на Блок 1 на РЕК Битола, по што ќе следуваат ремонти и на Блок 2 и на Блок 3. Обвинувањата за загуби во работењето ги сметаат за лаги и невистини.
Продажбата на вишоци електрична енергија во изминатиот период во износ од 8,7 милиони евра од страна на АД ЕЛЕМ, покажува како со одговорно и домаќинско работење компанијата може да постигне и намалување на својата производна цена на електричната енергија, соопштуваат од енергетската компанија.
