Во компанија за трговија со овошје, како пратки со банани бил пратен кокаинот во скопски Крушопек. Лидер од извори во истрагата стигна до имињата на уапсените за трговија со 1.3 тони кокаин од кој 1 килограм бил фатен на лице место.
На лице место биле уапсени Јасмир Ебипи, Седула Ебипи, Исмани Рауф како и возачот од Црна Гора, Јован Косовиќ.
Нарко-компанијата, според објавата на МВР се вика Банекс Компани Дооел Скопје, а нејзин сопственик е уапсениот Седула Ебопи. Тие увезувале банани од Мексико, но всушншност набавувале дрога од нарко картелите таму.
Дрогата ја растоварал Јетмир Ебипи, син на сопственикот на компанијата.
Проверката во централен регистар покажува дека оваа компанија во изминатите години пријавувала огромен обрт на пари. Да речеме во 2018 оваа компанија имала обрт од 174.307.281 денари или околу 3 милиони евра.
Симптоматично е тоа што оваа компанија која очигледно се бавела со трговија со кокаин прикриен како трговија со банани за време на владеењето на СДСМ и ДУИ добивала и државни тендери.
На 31 декември 2018 година, со оваа нарко фирма договор потпишал ЈКП Тетово – Тетово за набавка на возило во вредност од 1.415.115 денари.
