Помина 24:00 часот, Собранието не гласаше за одземање на имунитетот на пратеникот Трајко Вељановски, официјално, неговиот имунитет сеуште стои.
Откако координаторот на пратеничката група на ВМРО ДПМНЕ, Никола Мицевски побара пауза од 1 час, спикерот Џафери му одобри само 15 минути, по неговото повторно барање, Џафери трајно ја прекина седницата.
Ова значи дека и официјално, Собранието не му го одзема имунитетот на Вељановски затоа што законскиот рок од 3 дена за одземање истекуваше вечерва во 24:00 часот.
Претходно, во Собранието се водеше жестока дебата дали воопшто ова прашање треба да се разгледува, ако се има предвид дека на комисијата за мандатни и имунитетски прашања немаше заклучок за одземање на имунитетот на Вељановски кој се терети за случајот 27 април.
Поврзани вести
Регионот масовно имунизира, македонските власти не откриваат кога ќе пристигне првата поголема пратка вакцини
Ковид-пациентите ги полнат болниците: Скопје и Прилеп водат по бројот на активни случаи
