Не е возможно да се одржат избори за 22 дена затоа што нема избирачки список, со кој избирачки список би оделе на избори?, вели во интервју за Курир, претседателот на ДИК, Оливер Дерковски, додавајќи дека толкувањето на уредбата која е предмет на некои политичари, експерти и слично вели дека не треба да се продолжи 22-от ден пред денот на изборите.
– Уредбата вели дека се запираат дејствијата кои што беа дотогаш, а во вториот став се вели дека на ДИК и се дава задача ден по вонредната состојба да изготви ревидиран роковник, тоа значи дека ДИК ќе мора да ги предвиди овие рокови за избирачкиот список повикувајќи за на изборниот законик. Во тој роковник ние ќе ги предвидиме сите рокови кои се потребни за да се направат легални и легитимни избори, вели Деркоски.
Тој додава дека доколку има таква хипотетичка ситуација, тој како претседател на ДИК нема да го потпише тој избирачки список и се надева дека истото би го направиле и дел од колегите.
-Тогаш би паднале во една поинаква криза и поинаква ситуација која ќе предизвика друга ситуација, затоа што јас не сакам да носам одговорност за нелегитимен процес и не може да ме натераат на тоа. Треба да се почитуваат законските прописи во државата, потенцира Дерковски.
Според претседателот на ДИК, моменталната ситуација со пандемијата со Ковид-19 во државата носи нови предизвици од кои јасно е дека треба да се внимава на секој чекор. Доколку се организираат избори во вакви услови, смета тој, ќе треба да се организираат најверојатно многу повеќе човечки ресурси и многу заштитни средства, а сето тоа подразбира повеќе финансиски средства.
Целото интервју можете да го погледнете тука.
