За денеска во 11 часот е закажана собраниска седница за предлог одлуката за утврдување на бројот на потпретседателите на Собранието.
Во предлог одлуката потпишана од собранискиот спикер Талат Џафери се наведува дека „собранието на Република Северна Македонија има пет потпретседатели“.
Според Деловникот на Собранието бројот на потпретседателите го утврдува собранието по предлог на претседателот на парламентот. Лидерот на СДСМ и мандатар за состав на новата влада Зоран Заев изјави дека прво парламентот мора да избере потпретседатели, па потоа предлогот за составот на новата влада ќе биде доставен до Собранието.
Предлогот за составот на новата влада, пак, Заев треба да го достави до Собранието најдоцна до 2 септември.
