Дали СДСМ активно работи на партизација на претстојниот попис?

Статистичка операција за која владејачката партија објавува конкурс за попишувачи. Се чини се повеќе, дека на повидок е партизација на процесот на попишување, кој од Владата со месеци го оправдуваат велејќи дека е статистичка операција во согласност со сите европски и светски стандарди.

На Фејсбук профилот на СДСМ – Охрид, е објавен конкурсот за реонски попишувачи и инструктори, кој беше објавен во текот на вчерашниот ден.

Објавата можете да ја погледнете подолу, а оваа активност на официјален партиски огранок е само аргумент плус за многумина кои го критикуваат процесот во јавноста. Главните критики се однесуваат на тоа дека наводно бројките и процентите се однапред договорени, како и дека постои опасност од ширење на коронавирусот од попишувачите.