Додека сум јас министер нема да има селективна примена на законите за ниту еден граѓанин без разлика на нивната партиска, политичка, верска или етничка припадност, изјави вечерва министерот за внатрешни работи Наќе Чулев во интервју за емисијата „Што не е јасно“ на ТВ Алфа.
Зборувајќи за настаните од населбата Ченто каде вчера беа уапсени 3 лица а денеска се поднесуваат повеќе кривични пријави Чулев вели дека без разлика дали оние што се огрешиле пред законот се викаат Хасан, Хисни или Христијан тие ќе бидат процесирани согласно законите.
