Министерката за труд и социјална политика Мила Царовска, која престојува во работна посета на САД, во интервју за ,,Гласот на Америка” изјави дека над 120.000 граѓани ги чувствуваат придобивките од социјалната реформа, затоа што во семејните буџети имаат повеќе финансиски средства.
– Најголема реформа е што вложивме во децата, воведување на детски и образовен додаток, за да може идната генерација од најпогодените семејства да не биде повеќе во сиромаштија, туку, да може да излезе и да се бори на пазарот на труд – изјави министерката.
Според неа, реформата во системот за социјална заштита има трансформативна улога на целото општество.
– По првпат оние што се најранливи, сиромашните, приматели на социјална парична помош државата не ги гледа како случаи коишто треба да останат на маргините, туку како потенцијал на општеството којшто треба да биде вклучен, во економскиот раст и развој на државата – рече Царовска.
Поврзани вести
Царовска: Хибридниот модел на настава досега покажа одлични резултати, заштитувајќи го здравјето на учениците и наставниците
Царовска: Засега не се размислува за нови мерки за училиштата
