Властите во Скопје да преземат мерки за ставање крај на говорот на омраза и за заштита на нивните граѓани со бугарска самосвест, повика бугарското Министерство за надворешни работи на официјалната Фејсбук страна.
-Министерството за надворешни работи внимателно ги следи постојаните објави на социјалните мрежи со списоци на бугарски граѓани во Република Македонија, со повици за земање на нештата во свои раце и справување со нив. Очекуваме властите во Скопје да преземат мерки за ставање крај на говорот на омраза и заштита на нивните граѓани со бугарска самосвест, се вели во објавата.
