ДУИ во текот на денешниот ден одржа состанок на Централното раководство. По завршувањето, лидерот Али Ахмети ги демантраше вестите дека се разговарало за оставка на Груби.
– Воопшто не се зборуваше за оставка. Се зборуваше за принцип, за стратегија, за програма за задачите што нè очекуваат како Влада, но нормално дека тие треба да одговараат и никогаш не сум побарал поинаков глас на мислење. Секој пат бев следбеник и охрабрував работи за кои треба отворено да се зборува забелешките треба да бидат отворени така што ќе им се даде можност на сите да ја разјасни и објасни неговата работа што ја работи, изјави Али Ахмети – претседател на ДУИ.
Ахмети додаде дека ДУИ е добро организирана и носи одговорност 20 години во важните процеси во државата.
– Дискутирани се за сите прашања, јавноста е заинтересирана бидејќи имало разни информации во отсуство на состаноци. Сите работи се разјаснети и ги уверувам сите Албанци дека ДУИ е добро организирана сила и носи одговорност 20 години во важните процеси, рече лидерот на ДУИ, по средбата со Централното претседателство.
Што се однесува до преписките помеѓу Изет Меџити и вицепремиерот Артан Груби, Османи претходно рече дека тие имаат различни мислења.
– Секогаш во ДУИ имало различни мислења и тие се охрабрени од претседателот на ДУИ бидејќи ДУИ е жива партија каде е дозволена внатрешната дебата, партија која секогаш се освежува со нови идеи, изјави Бујар Османи – портпарол на ДУИ.
