Претседателот на Демократската Унија за Интеграција, Али Ахмети, во Амбасадата на Соединетите Американски Држави во Скопје, оствари средба со новата амбасадорка на Америка во Македонија, Кејт Мари Брнс.
Ахмети и честиташе на Амбасадорката Брнз за новата должност, изразувајќи убедување дека успешната соработка со САД ќе продолжи и во иднина во насока на реализирање на нашите заеднички цели, Северна Македонија интегрирана во НАТО и ЕУ и со функсионална демократија. Соговорниците истотака разговараа и за заедничките достигнувања во насока на општествената кохезија, Договорите со Атина и Софија и патот кон НАТО и Европската Унија. Ахмети истакна дека ни претстои уште многу работа, посебно во насока на владеењето на правото и реформите, вклучувајќи ги тука и одговорноста и отчетноста.
– Нашата земја чекори кон евроатланската интеграција и задолжително треба да ги исполни бараните стандарди, додека ДУИ ќе продолжи да биде партнер во реализација на реформите за доброто на нашите граѓани. – рече тој.
Истакна дека сите достигнувања се заеднички и дека Соединетите Американски Држави може да сметаат дека ДУИ ќе продолжи да биде искрен партнер.
