Иницијативата НаТочак денеска, по 85-ти пат, со почеток во 17.30 од Плоштад Македонија, организира возење на велосипеди низ скопските улици, за да ги потсети властите дека на велосипедистите им е потребна солидна инфрастуктура.
Иницијаторите информираат дека возењето велосипеди е дел од настанот „Критична маса“. Под слоганот „Приказната продолжува. Се гледаме на улиците!“, иницијативата НаТочак потсетува дека велосипедистите се дел од скопската приказна и дека им е потребна безбедна велосипедска инфрастуктура.
Иницијатива НаТочак вели дека возењето велосипеди ќе продолжи сè додека не им се исполнат условите за безбедно возење велосипеди во Скопје.
