Во зоолошка градина во Берлин се родила ретка црвена панда, само неколку месеци откако нејзините родители пристигнале од Индија.
Како што соопштија од градината, младенчето е пронајдено на 6 јуни до неговата мајка и сега е големо колку морско прасе. Полот засега не е утврден и тоа сѐ уште нема име.
Ова е 10 црвена панда што ќе се одгледува во берлинската Зоолошка градина, како дел од меѓународна програма за заштита на загрозените видови.
Младенчето најверојатно ќе биде изнесено пред посетителите во септември.
Родителите на малата панда, мајката Шине (6) и таткото Џоел (5), доаѓаат од Зоолошкиот парк Дарџилинг на Малите Хималаи и добро се прилагодуваат во новата средина.
Природно живеалиште на црвената панда се Источните Хималаи во југозападна Кина.
