Утрово најстудено беше во Берово -11 степени, а максимални нула се измерени во Дојран.
Според УХМР, утринава е -9 во Скопје, Петровец и Крива Паланка, -8 во Демир Капија, Маврови Анови и Куманово, -7 во Штип, Тетово, Битола, Струмица и Скопје Зајчев Рид, -6 во Прилеп, Дебар и Лазарополе, -4 Охрид, Крушево и Гевгелија, а -3 е во Претор.
Висината на снежната покривка е 11 сантиметри во Маврови Анови и четири на Попова Шапка.
Времето денеска ќе биде сончево, наутро студено, а преку денот со слаб јужен ветер. Максималната температура ќе биде во интервал од 5 до 13 степени Целзиусови.
Во Скопје сончево со слаб јужен ветер. Максималната температура ќе достигне 8 степени Целзиусови.
